Western music tah tur nge nuih tur?


Western han tih hian United states of America a kawk nghal ruih mai.Anni khu saptawng takin ‘trend setter’ chu an ni deuh mai a tih theih awm e.Fashion,music leh entertainment ah chuanan chungchuang zia chu kan hre theuh anga a, khawvel ram pum entawn an ni a,entawntlakin an thawk nasa a, an taima reng bawk.Kan ram te takte pawh hi an zuah lemlo chu ani ber mai.An vai hma vek a,keini lahin phur tak leh inthlahrung miah lovin kanlo entawn zel mai anih hi.ka thupuiah lutin music lama min influence dan in sawi chho ve mawp mawp mai teh ang.A then kan sawisel anga ,a then kan fak ang.Mahse kan tum erawh kawng tha zawk nia lang inkawhhmuh ani.Music genre hrang hrang atangin han sawichho ila.Pop Music:Kan mizo zolo artist ho music hi pop music deuh vek an ni a.Kan tawng/hla kal hmang nen a inhmeh vang pawh a ni ang chu.Pop music hi tunlai phei chuan khawvela lar ber leh ngaihthlak hnember a ni thei awm e.Soundtrack siamtute nge kan artist zawk te hian music genre dang explore an tumlo?Hei hi zawhna awm thei a ni.Mizo hla kal hmang hi pop music hmanga rem hu a nuam br awm e.Music ngaina tak tak tute tan chuan tuna kan artist te music in ang put put mai hi ninawm a tling tawh.Chuvang chuan kan artist te leh kan hla phuahtute hian music style dang deuh R&B,Soul,Country etc style te hian siam tum ve bawk se hmasawnnna lamtluang chu kan zawh ngei a rinawm.Hei hi ‘commercial’zawng taka thlir paw’n a hlawhtlin a rinawm.Tin,tunlai zaithiam zai dan style in ang put ringawt mai hi ngaiah neih a awl khawp mai.”Special” tih tur an tlem.Zai dan style hian music genre a siam tel tih hi kan hriatreng a tan a tha khawp mai.Kum 1998 chho atanga soundtrack hman a rawn lar atang khan musicah hian hma kan la sawn lo hrim hrim.Tluangtlam takin ngai kan awh reng a ni ber e.Thil awlsam zawng kan enreng chuan engtikah mah kan thang dawnlo.Keini aia music ngaina lo tura kan dah vaiho khuan soundtrack an hmang ngailo,ka hmuh leh hriat tawh chinah chuan.Tin tunlai kan slolo artist te hi musical instrument pakhat tawp nena zai ngam an tam vak a rinawmloh.Soundtrack hman ai chuan a hanga zai(accapella)pawh hi a changkang zawk.Tin playback(lipsync)hrat zet mai kan hmeichhe zai zingah hian an awm.Inlo chik ve thin emaw.Lipsync hi inbumna ani.A zai enturin mi tam takin sum sengin an kala,chuta ‘lipsync’ ringawt lo inngaihthlak tir kha INHMUHSITNA lian tak ani.Sawisel ngam ang u.A thanglo chi zawnga Western Music hian min influence chhung chuan music ah hi chuan kan pachhe reng.Rock Music:Rock hnuai ringawtah hian ‘sub-genre’ hrang hrang tam zia chu mi tam takin kan hre awm e.Hre lo kana wm a nih chuan “A tam lutuk!” 1980’s chhova rock lar zia kha kan la hre theuh ang chu.Mizo ho pawh min chiah hneh hle anih kha.Khang hun lai kha chuan ‘glam rock’ leh ‘metal’ ani tlangpui.Tunah chuan Nu-Metal,Core Metal,Alternative Rock,Grunge,Death Metal,Gothic leh Progresssive music ten thalaite rilruah hmun a luah hnem tawh hle.Rock music ah hian chuan artist kan ngah vaklo.P.C.Puia a ni deuh tlawng.Rock music hi chu band ho play a nih tlangpui avangin band ho bik kan thlur ang.Zo Rock,Tribal Power,Dreamhunter,Albatross etc ho hi band anga Mizo hla Rock music hmanga rawn remtu/siamtu leh sulsutu pawimawh tak an ni.Khang hunlai kha angaihawm khawp mai.Originality an nei theuh a,anmahni class an ‘maintain’ hneh hle.An reh hnu in hun rei tak chhung Mizoramah band tha sawi tur an awmlo reng a, tunah kan harh thar leh a,band hrang hrang an awm leh ta nual mai.Tunah hian Mizoramah kan band neih zawng zawng hi kutzungtang thlaika chhiar tham lek an la ni.An awm nual a, an tam lem lo thung.Gospel leh pel lo lampangah band kan nei tha khawp mai.Gospel lamah Drop Doubt,Incarnation,Magdalene,Anchovy te kan nei a.Lengzem lamah Arms of Silence,Boomerang,Axis etc te kan nei bawk.An tha hlawm khawp mai.India ah hian solo artist ai in band ang a larna ‘chance’ atam zawk.Chuvang chuan heng kan band neihte tan hian kawng a in hawng zau lutuk.Vaiho ai a kan hnuaihnung na a tam lutuk lo.Tin an music style ah hian sawisel tur ka nei.An music style a in angput vek mai hi.Progressive a nih loh chuan Nu Metal emaw Core metal a ni fai vek a tih theih.Music style dang chinchhuah an tumlo emaw ni.Mahse an tuina zawngebr a nih chuan kan sawi phak awm hek lo le.Band anga thil a kal tawh chuan Originality hi a pawimawh hmasaber a tih theih awm e.Hei vang hian kan band hams ate angina mahni music bik siam fel thei sela future a bright deuh hlek ang.Stage performance lamah chuan kan Gospel band ho an pachhe deuh hlek,lengzem ho an tluk lo.Thutak deuh runa music play ai chuan hlimhmelpu deuh sang leh nuam tih hmel tak a play hi hmuh a nuam zawk.Hei hi kan zirtur pakhat niin ka hria.Kan band neih zingah hian Blues,Jazz,Fusion,Adult Alternative,Country leh Rock n Roll play thin an vang hle.Sapho tih dan ringawt en tawn lovin mahni music bik siam tum ila,hma kan sawn chak ang a,Indian Rock scene ah pawh kan lang ngei ang.Music kan lawm ang he hu in kan lang har tawh.Mizoram pawn a lar tur hian kan thiamna hian a phak ve tawh.Indian rock band lar tak tak te pawh hi talent hrim hrimah chuan keini aia an thatna vak bik ka hrelo.Kan tluklohna vet hung erawh chu:an jam peih me me,tih tak zetin an play,perform chhiat an hlau lo,an in nuih ve ngailo,support an in pe thiam bawk.Tin drums leh bass bikah kan tluk lo hle.Drums leh bass hi band ah chuan a pawimawhber an tih theih awm e.Heihi mizoten kan ngaihthah ber a nil eh hlauh thung.Tlemin tang deuh ila kan umphak nghal ni mai tur.
Advertisements
This entry was posted in awm awl hnathawh. Bookmark the permalink.

One Response to Western music tah tur nge nuih tur?

  1. sacks says:

    thumbsup! waiting for more post

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s