Youth Icon

Youth Icon kan ti maw ni kha! A va han lar si ve,ka rinphak bak daih!An buatsaih dawn thu kha ka hmu fova,mahse ka lo rindan leh beisei dan mai chuan(ka tawng tu’n lo haw lo se) zokhua lam atangin thalai an rawn inzai siak zut zut kha ka’n ring deuh ngawt a.A hun a lo thleng a,ka en hman vaklo na in a zai tak tak kha chu zokhua lam chu an ni ngei mai,mahse aizawl khawchhung ngei a mi pawh anlo tam kher mai.Chumai nilovin aizawl a tanga zai te pawh zokhua lam mi aizawl a khawsa an nih hlom kan ring leh a.Ka la ringsual ta zel tho.Mi pangngai tak tak,chhungkua pangngai tak,khawtlang leh kohhran anga mi inhmang chhungkua atangten an lo tel tak sup ah kha chuan ka ngaihdan a dang ta daih a.

First Round kha chu rin lawk ang ngei in an nawih biah biah hle.Mi maksak fe fe,phut ve hmel fe fe,a…. mi dangdai fe fe kha an awm nuk a.A khatih vang kha ni hmiang Ka Nu hian a’n lawm khawp a,nileng thak thak in TV a On a,en hman lemlo mahse an zai maksak leh dangdai deuh te,nalh ve tep te… a ti ri nileng ziah a.Top Ten an thlan chhuah atang kha chuan kan inbul hnaia dawrte ho pheichu zan dar 8 a rik tawh hi chuan kuhva leitur pawn an in hawng tawh ngailo,Icon chhuah hmate kha chuan dar10 pelh ah pawh an inkhar ngai ka hre si lova.

Top 10 ho kha chu zaithiam tak hi an ni hlawm tawh,an thiam dan erawh a in ang lo nuaih thung.Zawhna chhan pawh an thiam.A tla hmasaber phei kha chu keia lo hmuh ve dan mai mai chuan zawhna a chhang thiam leh lutuk kha a tlakphah niber in ka hria.Midang in AIDS/HIV chungchang a an ngaihdan pawh an sawithiam mangloh lai khan a ni chuan ‘sex kan hman dawn hian Condom hi hmang thin ila’ an ti nghal thuai mai a.Sawi tha viau mah se kha hmunah kha chuan sawilo ta zawk se a tha zawk awm mange te ka ti rilru a.A tawngkam atang khan enge maw chen chu a dai in a liluh ve viau tawh hmel riau a,a abuk a nat loh phah ni in ka hria.A hnu a tla leh tlangval(Lallawmawma) kha mizo zinga Bryan Adams te Rod Stewart te aw ang nei a ni a,zai pawh kha a thiam (a aw a tha lo).Mahse a tlak na chhan nih hmelber chu a â veh vuh lutuk kha a ni.A seilenna leh a boruak hip na a hriat mah mah a,a awmzia berah chuan ‘a zo’ hret.Zaithiam bawk aw tha bawk an awm a,aw chhe si zaithiam an awm bawk a.A ni kha aw chhe si zaithiam an tih ang chi a ni.Pariatna ni ta, an zingah chuan ‘a zia’ ber Sarah Lalngaihawmi kha ui tu chu an tam hmel kha! Mahse thleng sang vak tur a tan chuan a iai awm deuh.A hleitling vang nge a che vel kha a lai deuh tlat thin,tin a zai in a aw’flat’ a tam bawk.Sawita zel ila a ni kha a pa chu kan vengmi hlun an ni a,Dawrpui lamah an pem ta daih mai pawh a.A tet lai phei chuan A pi kid,a pi ‘mei’ an tih thin a nia.An in zui reng mai a.A vun colour ah khan a Pa lam a chhun daih a a fresh lo phah deuh.Tin apa te thlah ho hi an sang me me vek keimah ang a khan sang feet 5.11 vel an ni fup mai.Tin Mizo ten kan hriat lar deuh Rev. H.Sangkhuma Wales ram a awm hi a pa te unau zinga mi a ni e!Pasarihna, Mukti-i(K.Lalhmingliani) kha chu a zaithiam dan khan style khat bak a daihlo tlat,chubakah Icon em han ni tur chuan a thawm a zawi lutukin,mipui boruak a ngamlo mah mah.Naupangfel tak chu a nih hmel.Parukna,ever smiling(Vanlalchhanhimi) khaa….a aw a chak,mahse zai that leh zaithatloh chang a ngah tlat.bakah hla sak thiam zawng nei chi bawk a ni.Zawhna chhan chu a thiamin, a ngaihthlak a nuam.A ngaihtuah awmlo chho fu ka ring.Pangana kha…Iskut nula(Zomuanpuii)..a zaithiam ka ti nganglo,rinai in a daih rei.A aw a sang tha, a ring bawk,mahse; a zai hian ‘zun’ a neilo.Ngaihthlak zawh rual rualin a zo der zel.Rilruah emaw benga han chambang a awmlo.YMA hla sa chi a ni.
Mizote pawh kanlo changkang ta,tunhma Miss Mizoram thlanna a contestant thenkhat te zawhna chhan dan nen a han khaikhin chuan tuna Icon a tel ho hi chu changkang tak anni.Miss contestant te kha chu zawhna an han chhan dan te hi han chhiarla ‘kan lo changkang ta’ ka tih hi i hrethiam thei awm e-
Q.Taksa tana chaw tha i tih te enge?
Ans:Pakhatnaah chuan SA!!. Pahnihnaah chuan TAMATOE!!(tomato a tihna)
Q.Zing i thawhin enge i tih thin?
Ans:Ka zung thin!
Q.Kha i va nalh ve a, i pheikhawk kha engzah man nge?
Ans:A pahnih hian maw??(a khingkhat chauh a in zawh thu awm suh)

Tiangvel khi an nia,chuvang chuan a lawm hma kan sawn kan ti teh hluai ni!!

Advertisements
This entry was posted in awm awl hnathawh. Bookmark the permalink.

3 Responses to Youth Icon

  1. benjamin rualthanzauva says:

    I thil ziah hi para then then hrang velah,chuan chhiar a nuam ang.

  2. thinchhia says:

    okay benji!Lalaji-a kid thin..hahah.ka tui lutuk a para lam pawh ka lo ngaihtuah manghleinem le.hliam hliam mai a.niz chhiar har deuh nih kha..hei ka siam in ka chan sawm e!

  3. thinchhia says:

    top 4 ho hi tuihnang tawkin ka la ziak leh ang.hahaha

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s