Zopa rilru lo themthiamzia


Kan Mizo pi leh pute rilru themthiamzia kha i chhut tawh thin em? La chhut chhin ngai lo mah la, tun thleng pawh hian i hrehawm tawrh laka nawmna kawngkhar hawnsaktu che a la ni asin! Hnam dangte chuan an hriltlana han hahchhiaute hi hrehawm leh zahthlak an ti a, an hahchhiuana bula mite hnenah, ” I am sorry”, emaw, ” Excuse me”, emaw an ti chul thin a.Kan pi leh pute kha chuan an bula hahchhiaute chu, “To hnar a za e, tu nge sawi, heta hi a awm, a dam e” an lo tihkhalh thauh thung thin a.Tlangval to, nula to nih chu duh lo fa awm hek lo, hritlang hnap tui lu na bur pawh nuam ti taka an tawrh theih bakah thenkhatte phei chuan hritlan an chak ru mah mah thei thin zuk nia! Mawngtam khawihlite hi tawrh a hrehawm tehreng nen, “Khawihli chu mi vannei bawm a ni ngai e”, an ti a.A tawrh hrehawm mah se, a rukin nuam an ti veng veng mai ani.
Hetiang kawng chauhah hian an rilru a themthiam lo.Fuih leh khap hauh si lova naupangte puitling duh zawng eitir loh dan leh puitling duh loh zawng eitir dan an thiam riau mai bawk.Ar ei thin chu tawng fiah theihlohna, a ngum ei chu phhunchiarna an ti a.Naupangte chu pe pe mah se, tawng fiah theilo nih te, phunchiar nihte an duh loh avangin puitlin huna la eiah an khek daih mai a ni.Ar ke erawh chu kal chakna, ar chhuang ei chu zaithiamna, ar mit ei chu mitvarna an ti leh thung a.Hnam dangte angin ar ke, ar chhuang leh ar mitte an paih ve ngai lo.Naupangte chuan a chuhin an inchuh zawk thin.
Sakei hming an lo chhawr tangkai thiamziate kha han ngaihtuah chiang teh.An rilru themthiam tak a ni.Sakei chuan tapchhaka kun a, thusawi rukte pawh hi a hrethei vek a ni, an ti thin a.Eng vanga tithin nge an nih? Hman laiin misual mantu Police leh thil tisualte hremna Jail an la nei ve lo va.Chuvang chuan ramsa zinga hlauhawm ber Sakei chu hmun pawimawh an chantir thauh mai a ni.Rukru leh dawt sawi hmang chu Sakeiin a seh duh, uire chu thingbul hnenah tal a inpuan loh chuan Sakeiin a seh thin, nula leh tlangval tlan dun chu an tlan bonaa kawng peng an zawh tawntirhah thinghnah an dah zel loh chuan Sakeiin a seh mai, te an ti a.Sakei hlau lo fa an awm si lo va.Tu nge ruk rua dawt sawi ngam ang? Uire nia rinhlelh pawh a daikalnaah an zui ru a, thingbul hnena a inpuanna atangin harsa lo takin an hre chhuak thei mai.Tlan dun pawh an tlan bona kawng penga hnimhnah an dah atangin an kalna lam awlsam takin an hre thei a, an umzui mai thin.America CIA leh FBI te’n an rilru lo themthiamzia hi hria se, engtin ngai ang maw?
Hman laia an vanram ve, Pialral mawlh mai kha, hman lai rilru phak tawka luh chakawma sawi mawi dan an lo thiam mai! Hahthikula buh leh bal thlo chhuak thinte tan chuan,thawh hah ngai tawh lova faisa ringa awm der der theihna pialral chu kai a chakawm a ni.Lum hlum hial pawha hlawh a ngamawm hlaih hliah a ni.Mizo pa nge nge! An rilru themthiamna kha India Constitution ai pawha huhang nei zawkin khawtlang inawp nan an lo chhawr tangkai thei a ni.

Advertisements
This entry was posted in Society. Bookmark the permalink.

2 Responses to Zopa rilru lo themthiamzia

  1. virgochhas says:

    dik chiah…zirna an neih hran loh nen, an lo fing khawp mai…

    Lalruanga nu lawm rawih ni” an ti mi khah? longest day te kha, chu bak ah arsi te an hre hnem…

    mi fing thlah kan ni e…

    šŸ˜€

  2. thinchhia says:

    fing beu beu tak hi an ni ringawt.an finna leh remhriatna lam ngaihtuahlo hian an mawlna leh changkan lohna lam ngawt kan sawi rawtui a,lu la hnam tihvel hi history lamah te hian kan chhuichhuak thin aaaa!
    Longest day hi i hre dik e.
    Ramhmul damdawi an tih hnimhnah anlo hman thinte hlei hlei hi asin tha chu.heiai hian changkang tawh deuh ila chuan damdawi tha tak tak kan siamchhuak tawh awm a sin.ka nu phei chuan ngeihdeuh mai pakhat a nei. šŸ™‚

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s