Kan Pathian Biak inkhawm dan hi

Kan biak Pathian hi kan tihzahawm vanga zahawm ni lo mah se, Amah a ropuina, a takna avang tal hi chuan amah betute hian kan zaha, kan awm dan, inchei dan leh chetziaah pawh a mawi leh thianghlim kan zawn a tul a ni.

Biak In chu Pathian biakna hmun a nih avangin, inchei dan, awm danah hmun danga kal dan leh chet dan aiin uluk lehzual a pawimawh. Pathian bakah mihringpuite thlirna atang pawha mawi leh zahawma awm hi a pawimawh hle a ni. Pathian Biak Ina inkhawm tur chu a pawn lam lan danah pawh a thianghlimin a fel fai tawk tur a ni. Pheikhawk pum neih ang ang bun tum hram hram tur a ni. Biak Ina kal dawn chuan Bible/Hla bu ken ngei tur a ni. Inkhawm tan hmaa Biak In tual vela din muan hi chin loh atan a tha hle bawk. Biak In chhunga luh dawnin zah taka luh tur a ni a, thut tawh hnua hawi vak vak te, phun sur sur te, nuih vur vur te a mawi lo hle. Thutthleng chunga ke hlankai te, bawp khawkherha ke tihphut hlup hlup te, thut tluan duai te pawh a mawi lo hle a ni. A bik takin tawngtai lai chuan ngil taka ke pahniha lei rapa thut tur a ni.

Thutthleng nghen chhana ban phar phei duai te, thut dan sawn chhen te, chet neuh neuh te a mawi lo mai nilovin, bula mite tan a ninawm ve thei a, chuvangin, chin loh atan a tha hle. Biak In chhunga kuhva, sweet ei te, thelret thial te, sahdah hmuam kan ching mai thin te hi Pathian kan biaka zah lohzia kan entirna a ni. Tawngtai lai a nih avanga chhuah ruk zul zul te, tawngtai dawn veleha khuh sup sup kan chin te hi a tul dan ai mahin chin than dan a nih vang mai mai niin a lang. Thut danah pawh nghenchhan hlam po, hma lam bawh ul, hla bu leh Bible dah naa ke hlan, thatchhiat hmel deuhva thut awn diai te hi a tihchi lo va, bawp bawp tih phut dur dur a tha hek lo. Biakna thil serh tihna hmun, Pathian nung biakna a nih avangin thil dang tih- lehkhabu chhiar/ziah etc.., lo nuih vur vur, nuih chiam, hawi vak vakk, mutthluk – ang phuauva mutthlu thin te phei chu an zahpuiawm hle a ni.

Tin, thuhril ngaihthlak lamah pawh ngun taka ngaihthlak tur a ni. Inkhawm chhan bulpui ber, ringtu zawng zawngte tih ngei tur zinga mi a nih avangin ngun taka ngaihthlak tur a ni. Thuhril thiam lem lote rin aia rei thu an sawiin, ning lutuk hmel lantira an hriat thiam ngei tura sana lo en sek chin te hi a tha lem lo. Inkhawm programme zawha chhuah danah pawh second 15-20 vel tal chu thut muan leh lawk a mawi, eng khaw sawi set set lova kawngkhar lama in hnawh tup tup te hi thil mawi lo tak a ni. A theih phei chuan rilrua lawmthu sawi tawngtai leh inkhawm ban hnu atana rei lo te inhlan hi a mawi. Tin, inkhawm bana Biak In tual vela kan inhawr khawm tup tup te hi tlem a in sum deuh chu a tha khawp mai, ni tin zan tin a in hmu te, in thenawm hnai tak te, inkhawm zawh a nih tak avanga thu sawi tur ngah thar thut a inbiak khawmuan te pawh hi a tul em em hran lemlo.A chhuak hmasa apiang in bawr khawm a, Biak In kawt vela kan par buk chhuk mai te hi a tul pawhin a lang lo.

Ringtu zawng zawng tih tur chu Pathian biak inkhawmnaa kal hi a ni. Inkhawm loh hian thil tha tih aiin thil tha lo tih nan hun hman a awl. Vawikhat inkhawm lohvin vawi hnih a hring a, Pathianin thinlungah hmun a chang lo tial tial a, hriat loh hlanin Setana tirhkoh rinawm tak nih a awm thin.

Advertisements
This entry was posted in s. Bookmark the permalink.

18 Responses to Kan Pathian Biak inkhawm dan hi

  1. Jerusha says:

    E rin loh lam deih lo awm chu – ziak thra hle mai!

  2. Jerusha says:

    E rin loh lam deih lo awm chu – ziak thra hle mai!

  3. thinchhia says:

    Nia..tianglam hi ka tuithar riau a ni..angai reng chu nin awm ve deuh hlek a..

  4. thinchhia says:

    Nia..tianglam hi ka tuithar riau a ni..angai reng chu nin awm ve deuh hlek a..

  5. Anonymous says:

    ziak tha si ve, nang leh nang lo ang tak in

  6. Anonymous says:

    ziak tha si ve, nang leh nang lo ang tak in

  7. Awzzman says:

    kan Pathian Biak inkhawm dan hi mahni tawka ka lo vei ve thin a.
    Kan Biak Pathian hi a nung,a zahawm teh lul nen hian…Biak in pan phah in meizual kan han zu khu vut2 thin te hi…Biak in kawtah zu pawl pawh kan awm nawks.tin kan inchei dan pawh hi..milem be ho kan tih mai(vai)te ho pawh hian incheina chu an la thutak khawpmai..hman ni lawk pawh khan south indian film star(a hming ka hre ta lo)pawh kha a incheina vangin an sawisel vak kha.thenkhatte hi chuan thinlung hi a ni zawk e..kan han ti thla ringawt a..kan pawn lam lan dan pawh hian thui tak a sawi a sin….huiha..in enchiang a hun ta…good post!

  8. Awzzman says:

    kan Pathian Biak inkhawm dan hi mahni tawka ka lo vei ve thin a.Kan Biak Pathian hi a nung,a zahawm teh lul nen hian…Biak in pan phah in meizual kan han zu khu vut2 thin te hi…Biak in kawtah zu pawl pawh kan awm nawks.tin kan inchei dan pawh hi..milem be ho kan tih mai(vai)te ho pawh hian incheina chu an la thutak khawpmai..hman ni lawk pawh khan south indian film star(a hming ka hre ta lo)pawh kha a incheina vangin an sawisel vak kha.thenkhatte hi chuan thinlung hi a ni zawk e..kan han ti thla ringawt a..kan pawn lam lan dan pawh hian thui tak a sawi a sin….huiha..in enchiang a hun ta…good post!

  9. thinchhia says:

    thnx awzzman..
    zialzuk in sawi takah chuan ka rilrua thil lo awm belh chu hetia reilote kan han inkhawm hnu a chiri tur ang mai a zuk leh hmuam BiakIn kawtah kan han ti luih luih te pawh hi nia, a mawi zawng a thlir pawn sim then ngai tak chu a ni in ka hria.

  10. thinchhia says:

    thnx awzzman..zialzuk in sawi takah chuan ka rilrua thil lo awm belh chu hetia reilote kan han inkhawm hnu a chiri tur ang mai a zuk leh hmuam BiakIn kawtah kan han ti luih luih te pawh hi nia, a mawi zawng a thlir pawn sim then ngai tak chu a ni in ka hria.

  11. Jimmy says:

    Thinchhe thianpa,

    I blog rss feed hi http://mizoblog.lawrkhawm.com/ (no WWW) ah kan lo dah ve nia o. A pawi lo tisuh ang che. I hman hunah ilo thlir ve dawn nia.

    Best regards,
    Jimmy

  12. Jimmy says:

    Thinchhe thianpa,I blog rss feed hi http://mizoblog.lawrkhawm.com/ (no WWW) ah kan lo dah ve nia o. A pawi lo tisuh ang che. I hman hunah ilo thlir ve dawn nia.Best regards,Jimmy

  13. thinchhia says:

    aw le, a huatthla la lo viau ang 🙂

  14. thinchhia says:

    aw le, a huatthla la lo viau ang 🙂

  15. Almost Unreal says:

    i va in la strict leh si ve leh

  16. i va in la strict leh si ve leh

  17. thinchhia says:

    tia mawn le a aw

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s